Nagkasundo ang celebrity couple na sina Megan Young at Mikael Daez na hindu muna mag-anak ngayong taon.
May mga ilang rason ang mag-asawa kung bakit hanggang ngayon ay hindi pa rin nagbubuntis ang actress-beauty queen.
Sa kanilang latest podcast, sinabi nina Megan at Mikael na isang napakalaki at importanteng desisyon para sa kanila ang magka-baby kaya ayaw nila itong madaliin.
Ayon kay Megan, “For me our major decision in our relationship and one that we made as a married couple is to not have kids right away. We were very stern about that from the very beginning.”
Nais din umano ng mag-asawa na enjoyin muna ang kanilang married life.
Kwento naman ni Mikael, nang ikinasal sila ni Megan noong 2020, open na sila sa posibilidad na magka-baby agad.
Kaya lang, nagka-pandemic. Napagkasunduan daw nilang huwag na lang muna.
Paliwanag ni Mikael, “Yung original plan talaga was enjoy muna tayo. Mag-vlog… kung saan man tayo mapunta, enjoy lang natin yung time as a married couple.
“And then, of course, the pandemic hit. Naisip namin, okay, medyo mahirap yata ‘to. Nakakatakot ma-hospital at this time. So, we decided na okay, 2021, huwag muna.”
Hindi pa raw masabi ni Mikael kung kailan na nila gustong magka-baby. “Yung pagpaplano namin, year on year. So, 2022, wala pa kaming plano.
“I guess we’ll discuss that maybe pag November, December na.
“So, 2021, we’re still this focusing I guess on work. Kasi, malaking transition period for everyone.”
“Naisip namin, huwag nating isabay-sabay kung kaya naman. We were able to plan things well naman. Maybe 2022, no promises yet. We’ll let you know.”
Sa huli saad ng aktor ay marami siyang na-realize at natutunan nang magkaroon na ng baby ang kanilang mga friends.
